Mesfushori i Barcelonës dhe Kombëtares së Turqisë, Arda Turan thuhet se i është ofruar gjigantit italian, Milanit. Sipas mediumit italian Il Giornale, Milanit iu afrua agjenti turk, Ahmet Bulut, i cili përfaqëson Arda Turanin.
Megjithatë, nuk ka asnjë shenjë nëse Rossonerët do të marrin në skuadër 30-vjeçarin turk. Turan nuk po gjen hapësira te Barcelona që nga transferimi i tij nga Atletico Madridi!
Mesfushori turk erdhi me bujë të madhe te Barcelona, por dështoi të tregoj vlerat e tij dhe të zë një vend titullari në skuadër. Turan nuk ishte një titullar i rregullt as tek ish-trajneri Luis Enrique, por as Ernesto Valverde nuk llogarit në shërbimet e tij.
Turku kishte qenë më parë i lidhur edhe me rivalët e Interit, ndërsa Bulut është në proces pasi mendon se Italia është një opsion ideal për klientin e tij. Për Turanin interesim kanë shprehur skuadra turke, Besiktas dhe ajo angleze, Everton.