Misioni i Teutës këtë javë ishte vetëm fitorja, pas gjithë atyre polemikave që shoqëruan ekipin në fundjavën e shkuar, ku disa lojtarë u gjobitën dhe u përjashtua nga ekipi Albi Dosti. Por si duket kthesa nuk erdhi edhe këtë javë pasi arritën të marrin vetëm një barazim përballë Laçit me një rezultat 1-1 të vendosur që në pjesën e parë.
Për durrsakët erdhi avantazhi me golin e Dadiç, por që nuk e ruajtën për më shumë se 4’ minuta, pasi është Ansi Nika që barazon rezultatin që do të jetë përfundimtari i kësaj sfide. Pjesa e dytë është mjaft e ngadaltë dhe djemtë e Maganit nuk arrijnë të shfaqen rrezikshëm, Laci nga ana tjetër kontrollon rezultatin dhe kërkon të përfitojë nga ndonjë kundërsulm.
Pika e çmuar kthen qetësinë te Laçi, që kap Partizanin në renditje, ndërsa Teuta shkon në kuotën e 8 pikëve, vetëm 2 pikë mbi zonën e ftohtë.
Teuta – Laçi 1-1
Shënues: Dediç 34′ / Nika 39′
Teuta: Kastrati, Beqja, Shkalla, Hrkaç, Hakaj, Çyrbja, Hila, Lena (Çmajçanin 78′), Dediç, Karimi (Shehaj 70′), Osemene (Latif 55′). Trajner: Gugash Magani
Laçi: Selmani, Fangaj, Qaqi, Gjoni, Shala, Nika (Xhixha 88′), Jonuzi, Bardhi (Lushkja 67′), Uzuni, Eskerda (Busbhi 90’+3), Rexhinaldo. Trajner: Gentian Mezani
Kartonë të verdhë: Hila 40′, Hakaj 90’+3 / Eskerda 85′, Qaqi 90′
Gjyqtarë: Olsi Sokoli, Dojando Myftari, Alfred Shkreta, Blerim Ziri
