Tërmeti me magnitudë 6.4 të shkallës Rihter shënuar orët e para të mëngjesit ka shkaktuar pasoja fatale. Bilanci i viktimave ka pësuar rritje, duke shkuar në 18 numri i personave që kanë ndërruar jetë.
Banorët që ndodhen në zonën e Prezës kanë rrëfyer për “BalkanWeb” momentet e tmerrshme që përjetuan gjatë lëkundjeve të tërmetit. Ndërsa treguan edhe si kanë mundur të dalin prej banesave.
E përlotur, gruaja kujton se si arriti t’i nxjerrë fëmijët nga shtëpia.
“Më dha Zoti një forcë të madhe. Hapa dritaren dhe e mora atë të voglin fare, sepse e kam tre vjeç, e fluturova. Ai është vrarë, copëtuar. Goca po ashtu. I fluturova fëmijët nga dritarja”, tha ajo.
Nga mëngjesit e deri pasdite vendi është goditur nga disa pasgoditje të tjera. Ekipet e shpëtimit vijojnë kërkimet nën gërmadha, për të mbijetuar, ndërkohë banorët në panik thonë se nuk do të kthehen në banesa nga frika e lëkundjeve.
