Turisti polak i cili kishte mbetur i bllokuar në Theth, është gjetur pas disa orë kërkimesh. Turisti është alpinist, dhe njoftimi për gjendjen e tij shëndetësore është bërë nga e fejuara e tij.
Pas rrëzimit nga mali, turisti kishte dëmtuar të dyja këmbët, dhe nuk mund të ecte, ndaj i kishte dërguar me telefon vendodhjen të fejuarës së tij, e cila më pas ka dhënë dhe alarmin për bllokimin e tij.
Ai është shpëtuar nga disa banorë të cilët kanë marrë edhe barrelat në krah, pasi ambulanca nuk përshkon dot këtë rrugë, për shkak të terrenit të vështirë.
