Ka ndërruar jetë në moshën 9-vjeçare vajza e ish-trajnerit të Barcelonës dhe kombëtares spanjolle, Luis Enrique.
Lajmi i hidhur është bërë i ditur nga vetë Enrique, përmes një postimi në rrjetet e tij sociale, teksa shkruan se vajza e tij po luftonte prej 5 muajsh me një sëmundje të rëndë (osteosarkoma – tumor në kockë).
“Vajza jonë ka ndërruar jetë këtë pasdite, në moshën 9-vjeçare, pas 5 muajsh luftë intensiv kundër osteosarkomës. Duam të falenderojmë të gjithë mesazhet që kemi marrë këto muaj dhe i vlerësojmë. Duam të falenderojmë stafin e spitalit “San Joan de Deu and Sant Pau”, për dedikimin e tyre. Do na mungosh shumë, por ne do të kujtojmë çdo ditë të jetës sonë dhe shpresojmë që në të ardhmen të takohemi sërish. Do jesh ylli që drejton familjen tonë. Pusho e qetë Ksanita”, shkruhej në njoftimin e trajnerit spanjoll.
