Banorët e zonës së Astirit kanë dalë ditën e sotme në protestë, në mbrojtje të pronës së tyre. Ata shprehen se përfaqësues së të firmave private dhe të Ministrisë së Transporteve, bashkë me ARRSH po i terrorizojnë, duke u dhënë afat 2 javë për lirimin e hapësirës.
Sipas tyre, ky vendim është dhënë pa asnjë dokumentacion, por vetëm duke ushtruar presion.
Në thirrjen e qytetarëve për protestë shkruhet:
“Oligarkët Salillari, Gener 2 në bashkëpunim me ministrinë e transporteve dhe ARRSH po bëjnë terror të paparë në bizneset dhe banesat përgjatë Unazës së Re. Ata hyjnë në çdo biznes dhe shtëpi pa asnjë shkresë zyrtare, bërtasin, ulërasin, bëjnë presion, 50 metra nga aksi duhet të dilni nga shtëpitë, biznesi duhet mbyllë aktivitetin pa asnjë shpjegim.
Duke dhunuar derë më derë ata kanë angazhuar të gjithë arsenalin e horrave në bashkëpunim duke përfshirë edhe punonjësit e shteti.
Ju ftojmë në protestë paqësore ta dinë mirë se jemi në shtëpitë tona dhe se prona e familja janë e shenjtë.”
Ndërkohë, i menjëhershëm ka qenë reagimi i Autoritetit Rrugor Shqiptar, që shprehet se ky projekt do të zgjidhë problemin e trafikut në atë zonë.
Reagimi i Autoriteti Rrugor Shqiptar:
Siç media dhe opinioni publik eshte ne dijeni, tanime eshte ne fazen e zbatimit projekti i Unazes se Madhe te Tiranes, rikualifikimi nga Pallati me Shigjeta deri tek Sheshi Shqiponja perfshire dhe zgjidhjen e kesaj nyje te trafikut.
Projekti eshte zyrtar dhe publik. Me zhvillimin e gares e cila gjithashtu ka qene publike, jane percaktuar firmat fituese qe do zbatojne projektin.
Ne perputhje me percaktimet ligjore e nenligjore po veprohet ne territor nga organet perkatese te perfshira ne proces si kordinim mes ARRSH, IKMT, Aluiznit, Bashkise Tirane. Diten e hene do kete komunikim me median per detaje te metejshme te projektit.
