Në ditën e tyre të 15, banorët e Astirit janë bërë bashkë në protestë. Ata kanë bllokuar sërish rrugën, duke thënë se çështja ka shkuar për jetë apo vdekje.
“Nuk jemi vetëm shpellarë të qeverisë. Ka ikur gjithçka, ka ose jetë ose vdekje”, u shpreh një nga banorët.
Ndërsa një e moshuar tregoi se ajo kishte kaluar situatë të rëndë psikologjike, dhe ishte gati që të vdiste për banesën e saj. “Na bën përshtypje shumë heshtja e qeveritarëve. Nuk jemi mushkonja. Ata kanë ardhur në pushtet nga votat tona.
Ne jemi të shqetësuar nga ana psikologjike. Ne po kalojmë parainfarktë. Ne jemi të gatshëm të shtrihemi në mes të rrugës, më mirë të na hedhin një bombë e të vdesim të gjithë. Ne duam shpronësimet”, u shpreh e moshuara.
