Banorët e katër zonave në Tiranë, 5 Majit, Kombinatit, Paskuqanit si dhe Kodrës së Priftit, janë nisur duke marshuar në këmbë drejt Ambasadës Amerikane. Një zëri ata kërkojnë drejtësi për pronat e tyre.
Banorët e këtyre zonave po protestojnë kundër shembjeve të banesave të tyre, shtëpitë e të cilëve preken nga projekti i Unazës së Madhe, si dhe rikualifikimit urban.
Ata thonë se nuk janë dakordësuar me kontratën e propozuar nga Bashkia, pasi sipas tyre është e njëanshme, dhe nuk merr parasysh kërkesat e tyre.
Banorët i mëshojnë faktit se nuk do të ndalin protestën e tyre, pasi po kërkojnë një të drejtë legjitime.
