Dajko Cenodemaj është personi i cili mbeti i plagosur gjatë përplasjes me armë mes dy bandave paraditen e sotme në Vlorë. Personi i plagosur ka rrëfyer se qenë duke konsumuar një kafe me 3 shokët e tij, në momentin që kanë dëgjuar të shtënat. Gjendja e tij paraqitet e qëndrueshme, ndërsa mësohet se bluzat e bardha kanë mundur që t’i heqin plumbin që kishte në këmbë.
“Po pija kafe me 3 shokë. Dëgjuam të shtënat përballë nesh. Ne thamë se ishin fishekzjarrë, kur e pamë që ishin armë, qëlloheshin nga të dyja krahët.
Edhe nga fuoristrada, edhe ata të tjerët, pastaj po vinin edhe në këmbë disa djem. U futëm të gjithë brenda. Kur u futëm brenda, pash gjakun që po më rridhte nga këmbët, aty shoh që kisha marrë plumb në këmbë. Më mori një shokë me makinë, më solli në spital”, shprehet Dajko Cenodemaj.
