Një shqiptar është lënë në burg, pasi kishte tentuar që të furnizonte me drogë të burgosurit. Ai është Nikolin Imami, 29 vjeç, është kapur me një sasi droge e cila arrinte vlerën e 5,000 euro. I riu është burgosur me dy vjet e tre muaj, shkruan Tirana Today.
Nikolin Imami, u përpoq të fshihte drogë kur oficerët e arrestuan atë, u tha para Gjykatës së Exeter.
Ai pretendoi se ishte i detyruar të shiste drogë pasi mori borxhin me një bandë, e cila më pas i kërcënonte familjen e tij.
Gjykatësi Geoffrey Mercer QC tha se nuk e dinte historinë e plotë që qëndronte pas veprimeve të tij, por pranoi se ai ishte në vështirësi financiare në atë kohë. I pandehuri pranoi se posedonte kokainën me qëllim për ta furnizuar të burgosurit.
Vepra ka ndodhur më 23 nëntor. Prokurori Peter Coombe tha, se Imami ishte zbuluar nga oficerët, ku ai me fugonin e tij të bardhë shkëmbeu diçka me një burrë.
Kur detektivët shkuan për ta pyetur, Imami e hodhi jashtë fugonit një qese që përmbante 118 g kokainë. Gjithashtu në një çantë iu gjet 28 g kokainë. I pandehuri i tha policisë: “Është vetëm për 100 £. Unë do ta jepja dikujt tjetër”, shkruan devonlive.com.
I pandehuri kishte një dënim të mëparshëm për posedimin e kanabisit, por gjykatësi Geoffrey Mercer QC nuk e mori në konsideratë.
Znj. Kelly Scrivener, duke lehtësuar, tha se Imami ishte një njeri në vështirësi që punonte për familjen, dhe ishte me leje qëndrimi në Mbretërinë e Bashkuar.
Ajo tha se deri në fillim të vitit të kaluar ai kishte qenë në punë të rregullt. Ai kishte marrë borxh dhe në vend që të kërkonte ndihmë nga familja e tij, nisi të shiste drogë.
Imami, tha ajo, është i turpëruar dhe keqardhur për atë ka bërë, por njerëzve që u kishte borxh, i kishin kërcënuar familjen.
Gjykatësi Mercer tha: “Më duhet t’ju dënoj për një vepër të rëndë. Unë nuk e di historinë e plotë se si ju u përfshitë në një vepër kaq të rëndë, dhe se duket se është jashtë karakterit tuaj”. TIRANA TODAY
