Inesa Tarverdijeva ishte një nënë e zakonshme, para se të shndërrohej në një vrasëse seriale, bashkë me burrin e saj, Roman Podkopaev, dhe 2 vajzat e tyre Viktoria dhe Anastasia.
Ata nisën serinë e vrasjeve në vitin 1998. Dhe në 15 vitet në vazhdim, vranë të paktën 30 njerëz. Familja vinte në shënjestër familjet e pasura. Ata futeshin në shtëpitë e tyre, i plaçkitnin, dhe më pas i vrisnin me thikë.
Për shkak të 3 grave, mediat ruse i vunë nofkën “Banda e Amazonave”. Familja jetonte në një shtëpi komode në fshatin Divnoje në Stavropol, ndërsa përdorte udhëtimet si një mbulesë për krimet.
Në mesin e viktimave, ishin edhe disa zyrtarë policie, apo edhe fëmijë të mitur. Më 8 shtator 2013, pasi vranë një çift, Podkopaev dhe Viktoria u përplasën me një patrullë policie. Roman vdiq gjatë përleshjes me armë. Inesa dhe Anastasia, u kapën në një kamping me 20 armë zjarri, granata dhe municione. Nëna dhe 2 vajzat e saj, u dënuan me nga 21 vite burg për secilin nga krimet e tyre.
TIRANA TODAY
