Zëvendës kryeministrja, njëkohësisht Ministrja e Energjisë dhe Infrastrukturës, Belinda Balluku, zbuloi në emisionin “Now ” në “Euronews Albania”, se me Veliajn njihen para se të dy të angazhoheshin në politikë.
Ajo tha se se me kryebashkiakun e Tiranës, ka marrëdhënie shumë të mira profesionale, por edhe jashtë politikës. Po kështu, Veliaj është nuni i vajzës së saj dhe gjatë fundjavave takohen për të ngrënë mëngjes dhe për të diskutuar për punë.
“Unë Erionin nuk e njoh nga jeta politike, unë me Erionin njihem shumë përpara kur edhe ai, edhe unë nuk kishim fare lidhje me politikën.
Siç ai më konsideron mua motër, edhe unë e konsideroj vëlla. Erioni është nuni i vajzës time, kemi lidhje familjare me njëri-tjetrin dhe e kemi mbështetur njëri-tjetrin.
Unë personalisht jam shumë e ngarkuar me punë, Erioni ka shkëlqyer në drejtimin e Bashkisë së Tiranës. Ne jemi dy njerëz që kemi lidhje jashtë politikës, Erioni është një person i rëndësishëm për fëmijët e mi. Takohemi edhe gjatë fundjavës për të ngrënë mëngjese me njëri-tjetrin”, theksoi ajo.
