Ministrja e Infrastrukturës dhe Energjisë, Belinda Balluku është shprehur se situata ku ndodhemi tani është një moment kritik sa i përket aviacionit.
E ftuar në emisionin “Opinion”, Balluku tha se një nga protokollet që po dizenjohet është që karriget e mesit në avionë të mos përdoren më. Por kjo sipas saj, do të kishte një kosto 30% më shumë për avionin.
Ministrja tha se aeroporti i Vjenës ka marrë një masë të re, ku udhëtarëve u duhet të paguajnë përveç biletës edhe çmimin e një testi COVID me kosto 250 euro.
“Një nga protokollet që po dizenjohet është që karriget e mesit të mos përdoren më. Kjo do të thotë një kosto 30% më shumë për avionin. Aeroporti i Vjenës sot ka linçuar testimin e pasagjerëve kundrejt pagesës 250 euro. Për 50 minuta do të bësh testin, nëse je negativ vazhdon me procedurën, pasi ke paguar online.
Kjo po aplikohet në Vjenë për fluturimet lokale brenda vendit. Ka shumë protokolle që po aplikohen dhe disa prej tyre do të ndikojnë në çmimin e biletave. Megjithatë unë mendoj që të gjitha shtetet do të mundohen të kompensojnë këto humbje që aviacioni ka kaluar. Është në një moment shumë kritik situata ku të gjitha po mundohen të dizenjohen në mënyrë të përbashkët dhe të dalin me një protokoll”, tha ajo.
