Nga: Klodian Tomorri
Ramush Haradinaj ishte kryeministër kur Kosovës ju rrezikua integriteti territorial. Jo për fajin e tij, por për shkak të prapësive të Thaçit, Vuçiçit dhe Ramës. Megjithatë, edhe pse nuk pati asnjë faj, ja ktheu mandatin popullit. La sovranin të vendosë dhe sovrani vendosi.
Zoran Zaevit i dështoi hapja e negociatave me Bashkimin Europian. Jo për fajin e tij, por më shumë gjasa për shkak të Shqipërisë. Edhe ky bëri të njëjtën gjë. Edhe pse nuk ka asnjë faj, ja ktheu mandatin popullit.
Edi Ramës i dështoi hapja e negociatave me Bashkimin Europian. Sigurisht jo për fajin e Zaevit. Qëndron si tribun, stoik në detyrë. Por edhe nëse nuk ka asnjë faj, dy kryeministra të vendeve fqinje ikën pa asnjë faj. Kryeministri ynë nuk lëviz, edhe pse nuk thotë dot që nuk kam asnjë faj.
Në çështje kaq të mëdha si kjo e integrimit, e vetmja rrugëdalje janë zgjedhjet. Populli duhet lënë të flasë. Rama e ka mbaruar misionin. Dhe për fatin e keq të Shqipërisë, e vetmja gjë për të cilën do mbahet mend janë atletet.
