Gjykata e Apelit ka lënë në burg dy protestusit e Astirit, shtetasit Mariglen Doçi dhe Dorjan Protoduari. Mjaft i revoltuar me këtë vendim, ish-deputeti demokrat, Klevis Balliu, ka deklaruar se gjykatat janë kthyer në qesharake dhe politike. Ai po kështu solli në fokus situatën kriminale në vend, me fokus në Vlorë e Shkodër.
“Nuk ka ngelur asgjë tjetër vetëm të shohim Ramën e të vijë t’i japë vetë ato vendime. Shkodra jeton në terrorin e bandave, të cilët janë të lirë, Vlora është kthyer në Palermon e ’90, e këta merren me protestuesit.
Gjykatat tashmë janë qesharake e politike. Bijtë e etërve, Rama me shokë po mundohen të vazhdojnë misionin që kishin baballarët e tyre komunistë.
Minjtë e haleve të Rilindjes do të trajtohen ashtu siç e meritojnë”, u shpreh Balliu.
