Pas një periudhe qetësie gjatë pushimeve, Taulant Balla e Lulzim Basha kanë nisur fuqishëm akuzat mes palëve, e ndërsa indirekt nuk kursejnë edhe ofezat banale.
Gjatë paradites së sotme, PS ka mbledhur grupin e saj parlamentar, nën drejtimin e Taulant Ballës, ku mes të tjerave është folur dhe për propozimin e kryedemokratit për Vettingun në radhët e politikanëve.
Burime nga mbledhja e grupit bëjnë të ditur se Balla është shprehur se propozimi është propaganda e radhës nga ana e Bashës, dhe po synohet që të vendoset ferra në rrugën e Reformës në Drejtësi. Ai po kështu ka thënë se është i gatshëm për një Vetting të vërtetë.
“Propozimi i Bashës i dështuar dhe propagandë politike. Propozimi, si t’i zësh rrugën me ferra Reformës në Drejtësi. Gati për Vetting të vërtetë, Reforma në Drejtësi e garanton 100 %. BKH & SPAK garanton plotësisht Vettingun e politikanëve.
BKH & SPAK nuk ndalen vetëm tek politikanët, por edhe tek familjarët. Propozimi i Bashës shmang hetimin e familjarëve. Gati për çdo propozim që s’prek Reformën në Drejtësi dhe vijimin e Vettingut për gjyqtarët e prokurorët”.
