Kreu i Grupit Parlamentar të Partisë Socialiste, Taulant Balla ka reaguar pas protestës së sotme zhvilluar në Shkodër.
Ai akuzon opozitën për organizimin e saj, duke thënë se dhuna dhe vandalizmi kanë emrin e Sali Berishës, Ilir Metës, Lulzim Bashës dhe Monika Kryemadhit.
Balla shprehet sekenari për sulmin ndaj selisë së PS Shkodër, ishte pjesë e këtij organizimi prej tyre.
”Dhuna dhe vandalizmi ka emër! Sali Berisha, Ilir Meta, Lulezim Basha dhe Monika Kryemadhi janë sot nën akuzë publike për këto akte dhune dhe sponsorizimin e tyre. Protesta e Shkodrës u thirr sot nga PDLSI Shkodër dhe nga Kryetarja e Bashkisë Voltana Ademi (në foto). Skenari për sulmin ndaj selisë së PS Shkodër ishte pjesë e këtij organizimi prej tyre!’’, shkruan Balla në rrjetin social, Facebook.
