Kreu i grupit parlamentar të Partisë Socialiste, Taulant Balla ka publikuar sot vendimin e formës së prerë të gjykatës ku Dritan Zagani është dënuar me 3 vite burg.
Me anë të një statusi në “Facebook” Balla thotë se nuk pret që Lulzimi Basha dhe as PD të kërkojë ndjesë, sepse si tha në mëngjes, të gënjejë është e vetmja punë që Lulzim Basha di të bëjë më mirë.
Balla shkruan është shembulli më i qartë ku ka degraduar “vizioni” i PD për drejtësinë”.
E ftoj miqësisht Lulzim Bashën dhe Partinë Demokratike të heqë dorë nga heroi i tyre mediatik Dritan Zagani.
Nuk mundet që partia kryesore e opozitës të ketë hero një të dënuar me Vendim të formës së prerë “Në emër të Republikës” me 3 vite burgim.
Shikojeni vendimin!
Nuk pres që Lulzimi Basha dhe as PD të kërkojë ndjesë. Sepse siç thashë në mëngjes, të gënjejë është e vetmja punë që Lulzim Basha di të bëjë më mirë.
Por të betohesh për drejtësi mbi fjalët e një personi të arrestuar nga Gjykata e Krimeve të Rënda, bazuar në kërkesën e Prokurorisë së Krimeve të Rënda që në hetimin e saj ka konstatuar krimin e dekonspirimit (për llogari të një grupi trafikantësh) të një operacioni antitrafik të Policisë së Shtetit dhe më pas i dënuar nga Gjykata për largim nga vendi i qëndrimit të detyruar, kjo nuk është vetëm qesharake, por është shembulli më i qartë ku ka degraduar “vizioni” i PD për drejtësinë”.
E mbyllim këtu këtë debat, Lulëzim!
