Deputeti socialist Taulant Balla, ka reaguar në lidhje me nismën e Partisë Demokratike, lidhur me Vettingun në politikë, ku ka thënë nga foltorja e Kuvendit se hetimin mund ta bëjë vetëm SPAK e BKH. Balla i ka dhënë përgjigje akuzës së Bashës, për fshehjen që kryeparlamentari Ruçi i ka bërë nismën së opozitës, duke mos publikuar projektligjin në fjalë. Mjaft i revoltuar nga akuzat e parashtruara nga kreu i PD-së, Balla ka zgjedhur që ti përgjigjet me detaje se si është procedura.
“Jurist mediokër që duhet ti kërkojmë edhe diplomën, akuzove Kuvendin se nuk po publikohet propozimi yt po aq mediokër, sa edhe nisma që përfaqëson. O jurist, o Lulzim, ka një nen rregullorja, është neni 77 për shqyrtimin e nismave, e ke depozituar të premten, seanca e parë është sot.
Juristit Lulzim i qenka mohuar e drejta e propozimit? O Jurist, o Lulzim, nisma për rishikimin e Kushtetutës, kryetari e njofton Kuvendin në seancën plenare dhe iu shpërnda deputetëve teksti i projektligjit, në orën 10:03 u njohëm me propozimin në tavolinat përballë karrigeve bosh, të juristit Lulzim dhe deputetëve part time”, tha Balla.
https://tiranatoday.com/basha-ia-mbledh-rucit/
Sipas tij, propozimi i Bashës për Vettingun në politikë, është përpjekja e fundit për të penguar vijimin e Reformës në Drejtësi.
