Nourzan Al-Shammari u vra brutalisht në Bagdad, duke shkaktuar zemërim në të gjithë Irakun, pasi pamjet e krimit të neveritshëm u shpërndanë në mediat sociale.
Ndërsa po kthehej nga puna në shtëpi, ajo u vra në mes të ditës nga tre persona që mbanin thika dhe shami, raporton “The Mirror”.
Sipas medias lokale “Alsumaria News” të Irakut, ajo u vra në të ashtëquajturën “vrasje për nder” për refuzimin e martesës.
Policia ka arrestuar vëllain e Nourzan, për rolin e tij të dyshuar në vrasje, por kuptohet që dy kushërinjtë e tij janë ende në arrati, sipas raporteve të lajmeve lokale.
Kuptohet që kjo nuk ishte martesa e parë që ajo iu nënshtrua, me raporte që thonin se Nourzan ishte martuar për herë të parë kundër vullnetit të saj që fëmijë.
Drejtori i Marrëdhënieve dhe Informacionit i Ministrisë së Brendshme të Irakut, Gjeneral Major Saad Maan, lëshoi një deklaratë duke konfirmuar se ata kishin arrestuar të dyshuar të shumtë.
Një “ekip pune ekspertësh dhe hetuesish” ishte mbledhur së bashku për të gjetur autorët e krimit, tha Maan.
Pamjet që tregojnë vrasjen u publikuan nga Drejtoria Kundër Krimit në Bagdad.
Sipas raporteve lokale, familja e gruas së re e detyroi atë të martohej për herë të parë kur ajo ishte vetëm 13 vjeç.
Pasi u divorcua nga burri i saj i parë, xhaxhai i saj u përpoq ta bënte atë të martohej me djalin e tij, kushëririn e saj.
Nourzan, e cila punonte në një pastiçeri, besohet se është kërcënuar në mënyrë të përsëritur, sepse ajo nuk ishte dakord për martesën. Të afërmit e saj pohuan se ajo kohët e fundit kishte ndarë postime në llogaritë e saj në mediat sociale, duke thënë se ajo nuk ndihej e sigurt.
Zëdhënësi i Ministrisë së Brendshme, Gjeneral Major Saad Maan tha se vëllai i Nourzan pranoi vrasjen, duke fajësuar ‘problemet familjare’ për krimin, raporton “Gulf News”.
Burimi i lajmit: dailystar. Përshtatur nga Tirana Today
