Çdo revolucion fillon me një individ dhe me një ide. Kjo është historia e një djali kreativ që u lind në Vlorë, u shkollua dhe mori eksperiencat e para në Itali e më pas erdhi në Shqipëri për të ndryshuar skenën e inovacionit dhe atë të kateringut në mënyrë të pakthyeshme. Në takim të parë Genti Selenica nuk të bën ndonjë përshtypje të madhe; modest ne sjellje, i veshur thjesht por me stil, shikim të qartë e të thellë, theksin e lehtë nga Vlora përzier më zanorët e italishtes dhe një mjekër që e përkëdhel sa herë reflekton mendueshëm.
Çfarë kërkon në Shqipëri një djalë i ri që dikur punonte për një nga kompanitë më të mëdha të konsulencës teknologjike në Itali, që paguhej më shumë së një deputet e që kishte një cilësi jetese për tu patur zili? Ku e gjen motivimin një njeri kaq i kualifikuar e me aq potencial sa mund të ngrinte biznes në çdo vend të botës për të punuar në Shqipërinë e pluhurit, zhurmës dhe dembelizmit? Pak patriotizëm dhe shumë fantazi. Genti mendon që Shqipëria ofron oportunitete pafund për biznes por ne na janë mbyllur sytë nga debatet e parlamentit.
Baboon u krijua në përgjigje të një nevoje reale të tregut. Punonjësit e zyrave nuk kanë çfarë hanë në dreke sepse restorantet rreth e rrotull ose janë të shtrenjta ose ofrojnë meny shumë të kufizuara. Perse mos t’i listojmë gjithë restorantet e mira në një aplikacion që gjithkush të mund të porosisi çfarë të dojë dhe ta marr porosinë brenda 30 minutash? Kjo pune dikur kryhej duke mare një recepsioniste në telefon por nga ana tjetër shesh gjeje dikë qe nuk fliste qarte se paguhej pak dhe në dërgesë pjatat vinin përmbys. Aplikacioni Baboon nuk lejon vend për gabime. Sapo t’i porosit përmes aplikacionit restoranteve ju del porosia e shkruar në printerin e dedikuar, nëse ti je i pakënaqur nga shërbimi aplikacioni të jep mundësinë te bësh një “review” dhe restorantet kujdesen shumë mos të marrin review të keqia. Porosinë mund ta bëni në www.baboon.al
Ne fund kemi një zinxhir pozitiv që ju jep vlerë gjithë pjesëmarrësve. Klientët marrin ushqimin që duan në kohe të shkurtër, restorantet rrisin të ardhurat dhe detyrohen të mbajnë standarde të larta, ndërsa punonjësit e Baboon bëjnë një nga punët më të bukura ne botë; inovacion nga Tirana. Të kesh një mundësi të tillë në moshën 23 apo 25 vjeç duhet të jesh me fat. Në vend që të punosh për një korporate mbytëse ku të trajtojnë si skllav, puno për një start-up frymëzues dhe një menaxher cool si Genti qe jep aq shume nga vetja sa duket sikur është i pashtershëm.
Sot kemi një model të përkryer që duhet ndjekur e replikuar nga të rinjtë. Identifiko një nevoje të tregut, bëj një biznes plan, prezantoje tek investitorë potencial dhe pasi të kesh buxhetin e nevojshëm nisja punës sa më parë. Sfida do ketë rrugës sa të duash sidomos me gjetjen e stafit të kualifikuar por kjo nuk është arsye për tu ndalur. Genti ka kaluar aq shumë vështirësi sa të tremb por është gati ta nis sërish udhëtimin që ka kryer me Baboon. Është thjesht një udhëtim i bukur.
