Hetimet në lidhje me vrasjen e 20-vjeçares Carolione Criuch nga bashkëshorti i saj Babis Anagnostopoulos, kanë marrë një kthesë të papritur. Gazetari grek Vassilis Lambropoulos, tha gjatë emisionit televiziv ”Live News”, se ka patur një person të tretë në marrëdhënien midis Caroline dhe Babis, shkruan Tanea.
Sipas tij, piloti 32-vjeçari kishte kontakte me një grua kohët e fundit, e cila është nga mjedisi i tij i gjerë profesional, diçka që tregon se Caroline mund ta ketë zbuluar dhe kjo është arsyeja pse ajo donte të linte shtëpinë në Glyka Nera.
32-vjeçari i cili luajti rolin e “kryefamiljarit të mirë”, tani do të përgjigjet nëse vrasja e 20-vjeçares ishte kryer në gjaknxehtësi e sipër, apo nëse e kishte planifikuar më parë.
Babis Anagnostopulos u arrestua 37 ditë pasi mbyti të shoqen dhe u mundua ta fshihte krimin, duke sajuar një grabitje. Piloti vrau të shoqen pasi kjo e fundit i kishte kërkuar divorcin.
Ai rrëfeu një histori të sajuar ku përfshiu dhe shqiptarët, por u zbulua se personi që qëndronte pas krimit të rëndë ishte vetë 32-vjeçari.
