Sot mbushen 22 vite nga vrasja e liderit të Lëvizjes Studentore, Azem Hajdarit. Në këtë përkujtimore për familjen Hajdari, nuk mund të mungonte edhe një dedikim nga vajza, Rudina Hajdari.
Ajo thotë se i ati i mungon çdo ditë, por premton publikisht që do të ecë në rrugën e tij, dhe nuk do ta tregtojë kurrë lirinë dhe rrugën e drejtësisë.
Me një dedikim prekës, deputetja shprehet se e ndjen fuqinë e të atit, që e motivon duke e shtyrë për të fituar. Rudina rrëqeth me mesazhin e saj, ndërsa citon më tej se vijon të ndjekë rrugën e drejtësisë, rrugën e lirisë, rrugën e njerëzve të lirë.
Statusi
Babi, 22 vite pa ty pranë fizikisht janë shumë. Por ti je me mua përditë. Je me mua kur zgjohem dhe shpesh e ndiej sikur me thua si dikur pasuria e gjithë botës është në duart e tua kur je njeri i lirë dhe i ndershëm.
Je me mua kur luftoj, e ndiej fuqinë tënde që më motivon dhe më shtyn të fitoj.
Je me mua kur takoj mijëra shqiptarë të cilët ende sot mbas 22 vitesh të kujtojnë sikur të kishin takuar dje.
Je me mua kur më jep forcën të ndjek rrugën tënde. Rrugën e drejtësisë, rrugën e lirisë, rrugën e njerëzve të lirë.
Më ka marrë malli, por të ndiej përditë, sepse mundohem të eci në hapat e tua.
Në hapat e një njeriu që kurrë nuk e tregtoi lirinë.
Do eci, ta premtoj!
https://www.facebook.com/rudinahajdari/posts/1410089789335502
