Babëzi për pushtet ka larguar dy partitë shqiptare nga qeveria e kryeministrit Zoran Zaev. Konkretisht nga qeveria janë larguar Lëvizjen BESA dhe Partia Demokratike Shqiptare.
Ndërkohë ditë më parë lideri i Aleancës për Shqiptarët, Ziadin Sela, ka deklaruar se partia që ai drejton do të largohet nga qeveria e Maqedonisë (lajmin e plotë lexoje këtu). Partia Aleancës për Shqiptarët ishte në bashkëqeverisje me partinë e kryeministrit Zoran Zaev. Sela refuzoi dhe pozicionin e zv/kryeministrit për të mos hequr dorë nga kërkesa e tij për të drejtuar Ministrinë e Shëndetësisë. Pozicioni i ministrit të Shëndetësisë nuk u pranua nga kryeministri Zaev(lajmin e plotë lexoje këtu).
Lajmin për median e konfirmoi zëdhënësi i qeverisë së Maqedonisë Mile Boshnjako.
Në konferencë me gazetarët zëdhënësi i qeverisë tha se nuk zhvillohen bisedime për këtë as me PDSH-në dhe as me Lëvizjen BESA. Takimi i djeshëm i kryeministrit Zaev me liderin e Lëvizjes BESA, Bilal Kasami ka qenë në drejtim të përkrahjes së BESA-s për pakon e ligjeve reformatore që duhet të votohen në Kuvendin e Maqedonisë. Nga ana e BESËS është konfirmuar se do të japin përkrahjen për të gjitha proceset reformatore që po bën Qeveria.
