Organizata dhe shoqata në ndihmë të emigrantëve që jetonin rrugëve të Bègles, në Francë, ishin përpjekur që t’i ndihmonin familjet dhe studentët e pastrehë duke i vendosur nëpër shtëpitë e braktisura në rrethin e Terres-Neuves, Begles. Por një ditë më para policia kishte ndërhyrë duke dëbuar dy prej familjeve.
“Ne kemi fjetur në një makinë për dy muaj, me bashkëshortin tim dhe fëmijët e mi të moshës 3, 6 dhe 10 vjeç. Është shumë e vështirë”, u shpreh një nënë shqiptare.
Ajo kishte shkuar aty 13 muaj më parë, dhe ata kishin jetuar në një shtëpi në Villenave d’Ornon ku fëmijët e tyre po arsimohen. Kërkesa e tyre për azil ishte refuzua dhe ata kishin paraqitur një kërkesë të re për “të sëmurë të huaj”: babai shqiptar vuan nga hepatiti B, semundje e cila e detyron atë të ndjekë një trajtim në Francë, pasi sipas tyre është e pamundur që ai të kurohet në Shqipëri.
Në ditët e fundit, ata janë vendosur në një shtëpi të braktisur në rrugën Alexis Capelle. Por pronari i shtëpisë është ngritur dhe u ka bërë thirrje autoritete publike për të ndaluar këtë pushtim të pa drejtë, raporton “rue89bordeaux.com”.
“Ashtu siç shikohet, në këtë banesë është e pamundur të jetohet, sepse ajo po shembet dhe rrezikon jetën e personave”, ka justifikuar në deklaratë shërbimi i komunikimit.
Me ndërhyrjen e shoqatave deri tani 20 familje janë sistemuar nëpër shtëpitë e braktisura, por vetëm dy prej tyre ende nuk janë akomoduar./TIRANA TODAY/
