Opinioni publik u trondit nga ngjarja e rëndë ku babë e bir vranë 23-vjeçaren, Eglantina Buci. Por duket se histori të tilla ka plot, mbushur plot mister.
Arben Hajdarmataj, ish-funksionar i lartë i Policisë së Shtetit, ka zbuluar në emisionin Open në Top Channel një tjetër rast të ngjashëm me krimin makabër që tronditi vendin, ku babai dhe djali i tij vranë vajzën dhe e groposën në Malin me Gropa.
Sipas Hajdarmatajt, kohë më parë babai i ka marrë jetën vajzës e tij, pasi ishte ndarë nga burri. Ai ka shtuar më tej se është tentuar që viktima të varrosej si një vdekje natyrale, por ndërhyrja e Prokurorisë zbuloi krimin makabër.
“Ka qenë një rast ku babai ka vrarë vajzën se u nda nga burri. Fati i mirë që prokurori ishte i vëmendshëm dhe e zbuloi ngjarjen. Kam qenë shef i atij komisariati. Kanë dashur ta varrosin në mënyrë normale, ceremoninë, sikur ka vdekur nga zemra. Fati i mirë që prokurori e zbuloi”.
