Babai i kryeministrit britanik, Boris Johnson, ka injoruar rekomandimet e qeverisë dhe është nisur për pushime në Greqi.
Qeveria britanike ka rekomanduar qytetarët britanikë që të mos udhëtojnë jashtë vendit nëse nuk është e nevojshme, si pasojë e situatës së koronavirusit.
Mirëpo, Stanley Johnson, 79 vjeç, duket se nuk i ka marrë seriozisht këto rekomandime, teksa mbrëmjen e djeshme ka mbërritur në Athinë, ku do qëndrojë në vilën e tij në Pelion.
https://www.instagram.com/p/CCHXJNBnj4u/?utm_source=ig_web_copy_link
Ai as nuk hezitoi të postojë foto në llogarinë e tij personale në Instagram, duke treguar çdo kornizë të udhëtimit të tij.
Stanley Johnson ka mbërritur në Greqi përmes Bullgarisë, pasi qeveria greke ka ndaluar ardhjen e udhëtarëve nga Britania deri në mes të korrikut.
https://www.instagram.com/p/CCHXO5ins-a/?utm_source=ig_web_copy_link
“Unë jam në Pelion si pjesë e një udhëtimi të nevojshëm, duke u munduar ta mbroj pronën time kundër koronavirusit. Më duhet të zbatoj masat e nevojshme në distancë, sepse këtu ata i kanë marrë ato shumë seriozisht. Grekët po përpiqen të bllokojnë ardhjet nga Britania, por ata ishin shumë të lumtur kur panë që erdha. E vetmja gjë që ata më pyetën ishte nga erdha dhe çfarë bëra, dhe më pas ata matën temperaturën. Duhet të zbatojmë ura sa më shpejt që të jetë e mundur. Nga sa shoh këtu, ardhja e britanikëve nuk do të jetë rrezik, sepse grekët janë shumë të kujdesshëm”, tha Stanley Johnson mbrëmë, duke folur nga ballkoni i vilës së tij.
