Një vajzë 3-vjeçare është sulmuar për vdekje nga qeni në Shtetet e Bashkuara të Amerikës. Babai nga Oklahoma, tha se ishte i tronditur kur mori lajmin e rëndë ku vajza u sulmua nga qeni, të cilin ia kishte blerë vetë ai 5 ditë para se ta kafshonte për vdekje.
Sipas medieve të huaja, bëhet fjalë për Jason Dodge, i cili tha se nëna e tij ishte duke u kujdesur për vajzën e tij të vogël, Rylee Marie, kur ai mori një telefonatë alarmante. “Vajza dhe qeni, kjo është e gjitha që dëgjova”-u shpreh ai.
Babai me të mbërritur në shtëpi, shikon vajzën e shtrirë në shtrat me dëmtime të rënda. Dodge tha se ai kapi vajzën e tij dhe vrapoi jashtë derës, në kohën kur një ambulance po vinte në drejtim të shtëpisë së tyre. Pavarësisht ndërhyrjeve të mjekëve, vogëlushja nuk mundi t’i shpëtojë plagëve të marra. TIRANA TODAY
