Për avokatin Idajet Beqiri, padia për shpifje e ish-kryeministrit Sali Berisha ndaj Sekretarit amerikan të Shtetit Anthony Blinken, është e paprecedentë, pasi po hedh në gjyq qeverinë amerikanë.
Në një intervistë për ”Report Tv”, Beqiri u shpreh se SHBA-të kanë një mal me prova për Berishën, teksa shtoi se ish-kreu i qeverisë ka kryer një sërë krimesh.
Beqiri u shpreh i bindur se SPAK do të nis shumë shpejt një hetim për Berishën dhe se atë nuk do të zërë shtatori në Kuvendin e ri të Shqipërisë.
Idajet Beqiri: “Padia është një rast i paprecedentë dhe tregon vijueshmërinë e qëndrimeve të papërgjegjshme të tij. Edhe një padi kundër sekretarit Blinken, çdo gjykatë do i thoshte se nuk ke të bësh me të pasi ai flet në emër të qeverisë amerikane dhe duhet t’i drejtohesh asaj dhe jo këtij individi. Berisha me atë kërkesë duhet të jetë i ndërgjegjshëm për një gjë se ka aq shumë prova dhe SHBA e kanë dosjet mal me ato që ka kryer. Berisha i ka pranuar krimet vetë të shpërndarjes së armëve në 1997, ai e ka pranua se ka thyer embargon e naftës dhe armëve , e ka pranuar vetë se do të vriste Edi Ramën kur ishte kryetar i opozitës dhe se i kishte vendosur 5 snajper.
Nuk e ekzagjeroj kur them se me kaq krime që ka kryer Berisha askush në botë nuk ka një numër të lartë provash dhe veprash të rënda sa ka kryer ky, ky po afrohet te kryekriminelët e luftërave botërore. Në këtë aspekt po të thanë non grata në SHBA do të thotë e ke mbushur kupën dhe ajo po derdhet dhe nuk ka më kush të të mbrojë ty. SPAK dhe BKH jam i bindur që do hetojnë dhe Berishën nuk do e zërë shtatori pa u marr si i pandehur për të gjitha këto krime. Një procedim panel do të nis shumë shpejt kundër tij dhe familjarëve të tij”.
