Një avion i “Air India” me 191 persona në bord është përplasur me pistën në aeroportin e Kozhikode në jug të vendit duke shkaktuar të paktën dy viktima dhe dhjetëra të plagosur.
Avioni dështoi të ulej normalisht në pistë dhe përplasja ka qenë aq e fortë sa e ka ndarë mjetin fluturues në dy pjesë.
Zjarrfikësit shkuan menjëherë në pistë për të shuar flakët, ndërkohë që ka nisur një hetim për shkaqet, shkruan “A2”.
Paraprakisht mësohet se avioni i nisur nga Dubai nuk ka mundur dot të ulej normalisht për shkak të shirave të rrëmbyeshëm.
