Tashmë Avdullah Hoti është zyrtarisht kryeministër i Kosovës.
Së fundmi gjatë ceremonisë shtetërore, kryeministri Hoti, i vetëm, parakaloi para Gardës së Shtetit.
Raportohet se ai është shprehur se ndihet shumë mirë rreth postit të ri:
“Po ndihem shumë mirë. E kemi një program qeverisës dhe do të vazhdojmë me të”.
Ndërkaq, ish-kryeministri Albin Kurti në një video-mesazh, të mërkurën tha se nuk do të jetë prezent në dorëzimin e detyrës së tij.
“Kjo qeveri është e paligjshme, kjo është qeveria koti, ne jemi qeveria alternative. Nesër nuk do ta bëj pranim-dorëzimin, sepse nuk mund ta pranoj atë që e shkarkova ndërkohë që edhe u dorëzua tek Presidenti. Ne vazhdojmë betejën. Do të kthehemi përsëri dhe shumë shpejt”, u shpreh dje Kurti.
Kujtojmë se Qeveria Hoti një ditë më parë, u votua nga deputetët e Kuvendit të Kosovës me 61 vota pro, 24 kundër dhe 1 abstenim.
