Rreth 50 persona kanë rezultuar të zhdukur që prej udhëtimit të tyre midis qendrës industriale të Meksikës, Monterrey dhe qytetit kufitar të Nuevo Laredo, në një rrugë të cilën mediat lokale e kanë cilësuar si “autostrada e vdekjes.”
Të afërmit e familjarëve kanë deklaruar se ata janë zhdukur teksa kanë përshkuar këtë rrugë me makinë. Zhdukjet e këtyre personave si dhe disa ngjarje kriminale të ndodhur kohët e fundit, të bën të mendosh se Meksika po kthehet në ditët e errëta mes viteve 2006-2012, kur njerëz të armatosur të kartelit të drogës shpesh shënjestronin publikun e gjerë si dhe njëri-tjetrin, shkruan ABC News.
Gjysma e personave të zhdukur në autostradë besohet të jenë qytetarë ose banorë të SHBA-ve, megjithëse Ambasada Amerikane nuk ka mundur të konfirmojë statusin e tyre. Njëri prej tyre José de Jesús Gómez nga Irving, Texas, thuhet se u zhduk në autostradë më 3 qershor.
Megjithatë, disa persona janë rishfaqur pas zhdukjes dhe thonë se persona të armatosur i detyruan të ndalojnë në autostradë, i rrahën dhe i vodhën makinat. Nuk dihet sakaq se cfarë ka ndodhur me dhjetëra persona të tjerë, nese kane pasur apo jo edhe ata fatin e keq te perballen me të njejtin grup.
Qyteti i Nuevo Laredos dominohet nga anetarët e mbetur prej kartelit të vjetër Zetas, të cilet njihen për dhunën e tyre.
