Ministrja e Turizmit dhe Bujqësisë në Austri, Elisabeth Köstinger ka treguar se kur parashikohet të hapet kufiri i përbashkët mes Austrisë dhe Gjermanisë.
Sipas saj, dy vendet kanë vendosur që nga 15 qershori të rivendosin qarkullimin e lirë në kufijtë e tyre të përbashkët.
“Duke nisur nga 15 qershori, hapja e kufirit mes Gjermanisë dhe Austrisë do të jetë e mundur”, tha ajo.
Ky vendim, i marrë pas diskutimeve mes drejtuesve të dy vendeve, do të paraprihet me një lehtësim të kushteve të kalimit që prej 15 majit.
Kufiri mes dy vendeve është mbyllur që prej muajit mars, që nga shpërthimi i pandemisë së koronavirusit në Evropë.
