Shumë shtete po vënë në dispozicion ambiente të mëdha, për të shtruar pacientët e infektuar me koronavirus. Shumë të tjerë janë gjendur të papërgatitur përballë kësaj pandemie. Por me hapa të shpejtë duket se po ecën Australia, e cila po planifikon “spitalin virtual”.
Për të izoluar më tej rastet me COVID-19, Australia ka tashmë gati një projekt, i cili parashikon të trajtojë pacientët nga shtëpia. Po si është e mundur kjo?
Fare e thjeshtë, ku gjithçka do të kryhet përmes një sistemi monitorësh, ku do të kontrollohen pacientët që nuk do të jenë në kujdes intensiv. Këta pacientë të cilët nuk janë në rrisk, do të qëndrojnë në shtëpitë e tyre.
Raportohet se projekti në fjalë do të quhet “spitali virtual”, siç bën të ditur gazeta lokale “The age”.
“Spitali virtual” do të testohet fillimisht në New South Wales. Në rast se projekti do të ketë sukses, 200 pacientëve të shtruar në spitalin Armidale, do t’u kontrollohet frymëmarrja, temperatura, ritmi i zemrës dhe tensioni nëpërmjet monitorëve.
