Ish-deputetja e Australisë Julia Banks bëri një deklaratë të fortë, ku ngriti akuza ndaj një ministri aktual në qeveri, se e ka ngacmuar seksualisht në vitin 2017.
Banks, e cila bëri rrëfimin në një nga kujtimet që ka botuar së fundmi, tha se zyrtari i vuri dorën te këmba e saj e më pas në kofshë, gjatë një seance parlamentare, përpara se ai të largohej, shkruan BBC.
“Ministri erdhi dhe u ul pranë meje, më vuri dorën mbi gju, e vazhdoi ta ngrinte lart ngadalë duke më prekur kofshën në pjesën e brendshme. Që një ministër ta bëjë këtë në krahun e kryeministrit, ai duhej të ishte jashtëzakonisht i pacipë”, tha Banks.
Zyra e Kryeministrit australian, Scott Morrison ka reaguar pas kësaj duke e cilësuar sjellje të papranueshme dhe duke thënë se nuk ishin në dijeni të kësaj situate më parë.
Në një fragment nga kujtimet e saj, zonja Banks nuk e identifikoi burrin, për të cilin ajo tha se ishte akoma në kabinet.
