Këngëtarja Aurela Gaçe, ka ndarë me publikun çastet e panikut që e kishin kapur lidhur me lajmin e rremë për tërmetin. Në një status në Instastory, Gaçe shkruan se ndodhej në skenë duke kënduar, ndërkohë që të gjithë kishin dalë nga banesat, nga frika e një tërmeti që do shembte gjithçka.
Asaj i duhej që të performonte në skenë, e po kështu që të buzëqeshte, sido që të ishte situata.
Më tej ajo shpjegon se vajzat e saj i kishte lënë me gjyshen dhe teksa qeshte në skenë, pasi për atë ishte paguar, mendjen e kishte tek ato të dyja.
Në fund ajo e mbyll me mesazhin se askush nuk e parashikon dot të nesërmen, ndaj duhet të buzëqeshim sa kemi mundësi.
