Policia ka arrestuar sot në Tiranë një prej personave të shpallur në kërkim, lidhur me sulmin me armë në parkingun e hotel “Volorekës”.
Bëhet me dije se në pranga ka rënë Meardi Berberi, duke e çuar në 6 numrin e të arrestuarve për këtë ngjarje.
Hotel Voloreka u bë shënjestër e dy atentateve për shkak të konflikteve me pronarin e tij Jetmir Muçllari dhe djalin e këtij të fundit.
Lidhur me këtë ngjarje është arrestuar edhe Ilir Berberi. Ai u arrestua nga policia në një çadër që kishte ngritur enkas për t’u strehuar. Sipas policisë dyshohet të ketë rolin e organizatorit të ngjarjeve të ndodhura pranë hotelit në Tushemisht.
Berberi është një person me rrezikshmëri të lartë shoqërore dhe një emër i njohur për policinë, ku ka qenë i hetuar dhe dënuar për vepra të ndryshme kriminale.
