Gjykata e Lartë ka refuzuar kërkesën për zbutjen e masës së sigurisë ndaj Redjan Rrajës, i cili u arrestua për atentatin ndaj Prokurorit Arjan Ndoj.
Kërkesa e 34-vjeçarit u rrëzua me argumentin se nuk ka pasur shkelje ligjore, ose proceduriale nga Gjykatat e Posaçme të cilat e lanë në qeli.
Rraja kërkonte nga Gjykata e Lartë që të deklarohej i paligjshëm arrestimi, me argumentin se ndalimi është kryer vetëm me iniciativën e prokurorisë. Ai nuk ka pranuar në asnjë moment autorësinë për ketë ngjarje, por organi i akuzës e ka fundosur me provat biologjike që u gjeten në makinën e braktisur.
Redjan Rraja akuzohet për ngjarjen e pasdites së 1 Nëntorit të vitit të shkuar, tek mbikalimi i Shkozetit, ku u zhvillua atentati ndaj prokurorit Ndoj.
