Përkundrejt nga vendet e tjera europiane, Greqia numëron një numër më të ulët vdekjesh. Kryeministri grek Kyriakos Mitsotakis njoftoi më herët vendimin për një bllokim tre-javor në të gjithë Greqinë, në një përpjekje për ulur numrin e infeksioneve.
Greqia vendosi izolim të pjesshëm të vendit, ndërsa masat kufizuese do të zgjasin deri më 30 nëntor, një përpjekje për të zvogëluar përhapjen e koronavirusit.
Të gjitha dyqanet me pakicë janë mbyllur, dhe udhëtimet midis rajoneve po kështu janë ndaluar. Autoritetet kanë rifutur në fuqi një sistem që i detyron qytetarët të dërgojnë mesazhe me tekst në një numër qeveritar, për të marrë leje për të dalë nga shtëpia për të punuar, për të blerë, për të vizituar një mjek etj.
Një mëngjes ndryshe ka qenë sot për Athinën, kryeqytetin e Greqisë, ndërsa duket se shumica e njerëzve e kanë kuptuar rëndësinë e izolimit.
Mediat greke kanë publikuar foto të rrugëve, ku duket prezenca e shtuar e policëve, për t’u siguruar se masat po zbatohen.
