Kanë dalë detaje të reja nga ngjarja që ndodhi mesditën e sotme në afërsi të autostradës Tiranë-Durrës, specifikisht në rrugën e re të Ish-Kënetës.
Ka pasur disa të shtëna me armë zjarri dhe të plagosur kanë mbetur dy persona, njeri i identifikuar si Juljan Mecja dhe personi tjetër i identifikuar si Plarent Dervishi.
Thuhet se Juljan Mecja ka qenë duke udhëtuar nga Maminasi në Durrës kur disa persona të paidentifikuar i kanë zënë pritë e më pas kanë qëlluar në drejtim të mjetit të tij.
Mecja ka marrë tre plumba, në kokë, në shpatull dhe në këmbë, ndërsa Plarenti është plagosur me një plumb në këmbë.
Personat e plagosur nuk janë emra të panjohur për drejtësinë shqiptare pasi kujtojmë se Juljan Mecja njihet si anëtar i bandës së Lul Berishës në Durrës, ndërsa Plarent Dervishi është kunati i Lul Berishës.
