Atenati në Vlorë po merr të tjera përmasa, përpos faktit që mbi 15 persona të shoqëruar në polici janë pyetur lidhur me ngjarjen me dy viktima. Është qytetari digjital ai i cili i jep ish-kryeministrit Berisha, një tjetër të dhënë.
Qytetari njofton Berishën se një nga të vrarët në Vlorë, ai që edhe drejtonte mjetin, ka qënë pjesë e përgjimeve të drogës mes oficerëve të policisë, dhe grupit të Habilajve.
Mafia në Vlorë/Larje hesapesh mes grupeve kriminale, zbardhen të tjera të dhëna tronditëse
Armando Sulejmani, i njohur edhe me nofkën “Çipuri”, është arrestuar nga Policia e Vlorës një ditë pas atentatit në zonën e “Ujit të Ftohtë” ku mbeti i plagosur. Ai akuzohet për “armëmbajtje pa leje”.
Sulejmani është personazh i njohur i botës së krimit në Vlorë. Në vitin 2016, ai i kishte shpëtuar një tjetër atentati me armë, ku mbeti i plagosur lehtë në krah. Para 3 vitesh “Çipuri” kishte dalë nga qelia, pasi ka qenë i dënuar për vrasje me 20 vite burg. Ai njihet si anëtar i bandës së Gaxhait.
Mesditën e së dielës, Armando Sulejmani ishte pasagjer në makinën Volkswagen që u qëllua me breshëri kallashnikovi tek “Uji i Ftohtë”. Nga të shtënat mbetën të vrarë Arjan Hasani dhe Aurest Rexho. Kurse Armando Sulejmani mbeti i plagosur.
Ky i fundit mendohet se ka qenë shënjestra e atentatit.
