Arben Hasanaj, babai i Ilirjan Hasanjt i cili i bëri atentat shefit të polisicë bashkiake të Malësisë së Madhe, i bëri thirrje 19-vjeçarit që të dorëzohet në polici.
Përmes një postimi në rrjetin social, Facebook ai kërkon ta njoftojnë nëse kanë informacion për djalin e tij.
”Thirrje publike
Drejtuar djalit tem Ilirianit te dorezohesh nje ore e me pare ne Drejtorin, komisariatin, apo piken me te afert te policise se shtetit. I lutem çdo njeriu qe din apo ka dieni te me njoftoje. Baba i jot te pret nje ore e me pare kam ardh jam ne shqiperi. Baba te ka shpirt’’, shkruan Arben Hasanaj.
Si ndodhi atentati
Shefi i policisë bashkiake, Mentor Hasanaj po udhëtonte në aksin rrugor Shkodër-Koplik me makinën zyrtare të Policisë Bashkiake të Malësisë së Madhe, së bashku me të atin dhe bashkëshorten e tij, kur u qëlluan me armë zjarri nga 19-vjeçari i cili lëvizte një motor.
Nga breshëria e plumbave u plagos shefi i policisë dhe babai i tij, ndërsa bashkëshortja shpëtoi mrekullisht.
