Policia e Vlorës ka marrë në pyetje 8 persona në lidhje me atentatin e kryer ditën e sotme ndaj 39-vjeçarit, Marjon Mitro. Ata janë shoqëruar në komisariat 8 persona që kanë qenë në vendngjarje në momentin e plagosjes.
Ngjarja ndodhi pranë bibliotekës së qytetit, ku Mitro u qëllua nga një mjet në lëvizje, dhe u dërgua në spital ku ndodhet jashtë rrezikut për jetën.
Më herët, policia gjeti një automjet të djegur në aksin Vlorë-Selenicë, i cili dyshohet se mund të jetë e autorëve.
Dyshohet se mund të jetë qëlluar edhe me pistolete me mulli, e cila sipas ekspertëve nuk lë gëzhojë në vendngjarje.
Mendohet se në atentat kanë marrë pjesë dy persona, të cilët pas atentatit kanë djegur makinën dhe janë larguar në këmbë. Policia është e paqartë nëse ata janë ndihmuar nga të tjerë apo jo.
