Deputeti i Partisë Socialiste, Spartak Braho ka reaguar pas publikimit të lajmit se djali i tij është përfshirë në një sherr pak ditë më parë. Konflikti është shoqëruar me kërcënim me armë zjarri. Ky denoncim u publikua fillimisht nga ish-kryeministri, Sali Berisha.
Sa i përket kësaj ngjarjeje, Braho, në një reagim e ka konsideruar banale dhe, sipas tij, ka qenë e provokuar nga një mik i Berishës.
“Një shpifje e zakonshme e qofte largut se unë jam takuar për sqarim me personat në fjalë. Denoncimi ndaj personit, që ka 7 vjet në kërkim për provokimin e bërë, ju bë organeve të policisë së shtetit”, tha Braho.
Denoncimi për këtë ngjarje është bërë nga ish-kryeminsitri Sali Berisha, i cili shkrunte se djalit të deputeti socialist i është bërë atentat në Durrës.
Postimi i Berishës:
Atentat ndaj djalit te Spartak Brahos. Policia fsheh ngjarjen!Lexoni mesazhin e qytetarit dixhital. sbpershendetje zoti berisha Ne darken e dt 18 gusht ne durres ka deshtuar tentativa per vrasjen e djalit te spartak brahos arbrit. 2 persona me kallash qe e prisnin tek hyrja e pallatit. policia blindoi zonen por atentatoret u arratisen. asnje njoftim ne lajme e as nga policia nuk u dha .Per me teper thuhet se Spartaku me te birin kane shkuar dhe kane takuar per sqarim apo pajtim prinderit e djemve dhe aty djali i Spartakut i ka qelluar me broke uje. Pas kesaj gjithe keto dite Arber Brahon e shoqerojne nje grupe policesh para dhe mbrapa kudo qe shkon. Te lutem publikoje se policia i mbane te fshehta te gjitha keto.
