Rëndohet bilanci i atentatit në Vlorë, ku fillimisht dyshohej për dy të vrarë. Burimet njoftojnë se bëhet fjalë për dy persona që kanë ndërruar jetë dhe një të plagosur. Dy persona kanë mbetur të vdekur dhe një tjetër është plagosur, pasi janë qëlluar nga një makinë në lëvizje në aksin Fier-Vlorë në afërsi të fshatit Panaja, teksa po udhëtonin me makinën e tyre.
Makina e tyre tip ‘B-Class’ është qëlluar me breshëri kallashnikovi në ecje nga mbrapa, dhe për pasojë ka dalë nga rruga dhe ka përfunduar në një kanal, në afërsi të mbikalimit të Panajasë. Makina e viktimave është ndjekur nga autorët, dhe pasi është qëlluar me armë në drejtim të tyre, ka dalë nga rruga.
Sakaq është gjetur dhe një mjet i djegur në afërsi të Levanit, që dyshohet se u përket autorëve. Policia ndodhet në vendin e ngjarjes, ndërsa po punohet për zbardhjen e plotë të saj. Si pasojë e atentatit është bllokuar autostrada Fier-Vlorë, pasi është krijuar një trafik i rënduar.
