Një ngjarje e rëndë është shënuar gjatë orëve të para të mëngjesit në fshatin Poro të Vlorës, ku dy të rinj kanë rënë pre e një atentati.
Si pasojë, një person, Sotiraq Mëhilli, 22 vjeç, ka humbur jetën, ndërsa tjetri, Eno Mata, 32 vjeç është plagosur dhe ndodhet në gjendje të rëndë shëndetësore.
Dy të rinjtë kanë qenë me motor duke shkuar në shtëpi, ndërkohë që një automjet tip mercedes ishte duke i pritur ne një rrugë të fshatit Poro.
Dyshohet se shënjestra e atentatit është Mata, i cili gjatë një grabitjeje në Greqi ka vrarë një avokat.
Policia e Vlorës ka shkuar në vendngjarje dhe gjatë kërkimeve ka gjetur një automjet të djegur tip mercedes me targa të vjedhura pranë nënkalimit të fshati Bishan, po ashtu në makinën e djegur policia ka gjetur dy armë automatike kallashnikov.
