Një tjetër ngjarje e rëndë ka ndodhur gjatë orëve të vona të natës në Elbasan. Të shtëna me armë kanë terrorizuar banorët e qytetit, ku për pasojë ka mbetur një person i plagosur.
Sipas burimeve të policisë, ngjarja ka ndodhur në lagjen “Kongresi i Elbasanit”, pranë stadiumit “Elbasan Arena”.
Duke iu referuar uniformave blu, nga të shtënat ka mbetur i plagosur 22-vjeçari me inicialet K.P., i cili ndodhet në gjendje të rëndë në spital.
Ka qenë një makinë në lëvizje, e cila ka hapur zjarr ndaj të riut, duke e lënë atë të plagosur. Deri më tani nuk dihen rrethanat e konfliktit në fjalë, ndërsa policia po heton dhe ndodhet në vendin e ngjarjes.
