Kryeministri Edi Rama ka replikuar me një komentues në rrjetin e tij social në Facebook, ndërsa debatin me të e ka postuar vetë në Instagram.
Komentuesi e ka pyetur se me çfarë parash ka blerë një vilë në kompleksin Vala Mar në Hamallaj pranë Gjirit të Lalzit, ndërsa Rama nuk i ka kthyer një përgjigje të prerë, por i ka kërkuar të ketë kujdes nga ku merr informacionet.
Më pas, kreu i qeverisë, pyet ndjekësit e tjerë se ku ndodhet “Vala Mar”, vend në të cilin qytetari i shkruan se ka blerë një vilë banimi.
Pyetje: Atë vilën në Vala Mar me çfarë lekësh e bleve!
Edi Rama: Nëse kjo pyetje më drejtohet mua, përgjigjia është kujdes nga burimet e infektuara ku fusni kokën, sepse dizinformimi dembelos trurin, trash gjuhën, turbullon syrin, jeshilos gjakun dhe e trullos robin e Zotit.
