Gara mes kandidatëve për kreun e PD-së është bërë edhe më fortë, pas shuarjes së zërave nga vetë Patozi sa i përket moskandidimit të tij.
Deputeti demokrat, në një prononcim për Panoramën, tha se është regjistruar dhe se do e shpartallojë Bashën nëse gara do jetë në kushte të barabarta.
“Jam regjistruar në garë dhe këtë vendim e kam bërë publik para 3 milion shqiptarëve. Kam bërë të qarta gjithashtu kushtet e mia për të pasur një garë në kushte të barabarta. Dhe dua të përsëris se nëse kjo garë do të jetë e tillë do ta shpartalloj Lulzim Bashën”, tha Patozi.
