Një apartament në katin e gjashtë në Astir është përfshirë nga flakët.
Policia raporton se ka vetëm dëme materiale.
Njoftimi i plotë: “Tiranë/Informacion paraprak.
Më datë 13.06.2020, rreth orës 19:55, në Astir, ka rënë zjarr në katin e gjashtë të një godine, në një banesë që nuk banon njeri prej muajsh, ku ka vetëm dëme materiale.
Shërbimet e zjarrfikses ndodhen në vendngjarje dhe po punojnë për fikjen e zjarrit.
Grupi hetimor dhe Shërbimet e Policisë vijojnë punën për zbardhjen e plotë rrethanave të ngjarjes dhe përcaktimin e shkakut të zjarrit”.
